Ministria e Punëve të Jashtme e Italisë u deklarua për referendumin në Maqedoni dhe shpreson se Kuvendi do t’i miratojë ndryshimet kushtetues të parashikuara me marrëveshjen e Prespës.
“Në referendum konsultativ, shumica e gjerë e votuesve ishin “për” marrëveshjen me Greqinë me çka i vërtetuan aspiratat e qytetarëve të Maqedonisë për anëtarësim në BE dhe NATO. Italia jep përkrahje të plotë për rrugën euroatlantike të rajonit dhe shpreson se Kuvendi do t’i miratojë ndryshimet kushtetuese të parashikuara në marrëveshje”, thotë ministria e Punëve të Jashtme të Italisë.
