Këngëtari i njohur Robert Berisha ka qenë së fundmi i ftuar në emisionin e mëngjesit “Gjesi” ku ka zbuluar shumë të pathëna për vetën dhe jetën e tij private. Siç dihet prej një viti në media është përfolur gjatë lidhur me sherrin mes tij dhe kunatës Tuna.
Ata në intervista të ndryshme kanë treguar hapur se nuk kanë aspak raport të mirë dhe Roberti madje ka rrëfyer se për shkak të Tunës nuk shkon dot të vizitojë nipin dhe të vëllain. Madje, edhe në ditëlindjen e Tianit ai nuk ishte i pranishëm dhe as Patrisi dhe Tuna nuk ishin në festën e organizuar për ditëlindjen e Rennes dy ditë më parë.
Por ndonëse prej një kohe të gjatë prej tyre nuk ka pasur deklarata kundër njëri-tjetrit, së fundmi Roberti është pyetur se nëse është penduar për deklaratat që ka thënë, por përgjigja e tij ka qenë e prerë.
῝Ndoshta nuk duhet të isha marr me atë temë por atë që e them, nuk e tërheq. Mos më ngacmo për disa gjëra që s’kam qejf të më ngacmojnë se unë flas pastaj. Mos më prek në tela se në të gjitha televizionet e Shqipërisë dhe Kosovës ku flitet shqip dal e fytyrën ta marrë”, ka thënë ndër të tjera Roberti.
