Robert Berisha është lidhur me një modele italiane dhe për këtë nuk ka më dyshime.
Ajo quhet Maria Bove dhe përveç modelingut ka edhe një linjë veshjesh të sajën. Për lidhjen e tyre tashmë nuk ka më dyshime, pasi modelja ka publikuar në ‘Instagram-in’ e saj një video teksa këngëtari e puth.
Në fotot e tjera që kanë publikuar, modelja shfaqet duke dëgjuar muzikë shqiptare, ose krah këngëtarit Ermal Fejzuallahu, si fanse e tij.
Roberti e ka përfshirë të dashurën e tij të re në rrethin shoqëror. Së fundmi ai është përfolur për disa lidhje, por asnjëra prej tyre nuk është konfirmuar.
Se kur janë njohur e sa kohë kanë bashkë, ende nuk dihet, por e sigurt është diçka, dy të rinjtë po e shijojnë lidhjen në maksimum edhe para syve të të gjithëve.
