Miqtë e Meghan Markle thonë se ajo nuk është penduar për intervistën me Oprah Winfreyn dhe se familja mbretërore duhet të ‘lehtësohet’ që ajo nuk shkoi më në detaje për atë që ndodhi pas dyerve të pallatit.
Një burim i brendshëm me lidhje të ngushta me Meghanin i tha DailyMail: “[Meghan] tha se ajo nuk është penduar absolutisht për ato që u thanë gjatë intervistës dhe se të folurit me Oprah ishte edhe katartik edhe transformues – vendimi më i mirë që ajo ka marrë ndonjëherë, përveç atij për t’u martuar me Harryn”.
“Meghan tha që institucioni Mbretëror duhej të lehtësohej që ajo nuk përmendi emra ose nuk hyri në më shumë detaje të asaj që ndodhi pas dyerve të mbyllura. Ajo tha se i qëndron të vërtetës së saj dhe se në fund të fundit të gjithë të përfshirët fitojnë sepse tani gjithçka po del hapur në shesh”.
Pretendimet e Meghanit dhe Harryt se një mbretëror i vijës së parë të fronit i pyeti se rresht ngjyrës së lëkurës së Archiet, i ka dëmtuar familjen mbretërore duke i etiketuar si racistë, por çifti refuzoi të tregonte se kush e tha këtë në mënyrë që t’i mbrojë ata.
Burimi i brendshëm zbuloi për DailyMail se: “Meghan tha se pritja për të ndarë historinë e saj me të gjithë botën dukej si një përjetësi dhe se ajo nuk mund të ishte më e lumtur me rezultatin përfundimtar”.
“Meghan foli për të ruajtur mirëqenien e saj, veçanërisht tani që është shtatzënë, ajo nuk do të ekspozohet ndaj ndonjë lajmi toksik që buron nga intervista. Ajo tha se ishte zhvendosur, por është e hapur për të komunikuar me këdo nga familja Mbretërore që dëshiron të përfshihet në një bisedë konstruktive”.
“Meghan i jep merita vjehrrës së saj të ndjerë, Princeshës Diana që iu dha atyre (Meghan dhe Harryt) forcën dhe guximin për të dalë përpara dhe për të thënë të vërtetën si është. Ajo tha se ishte veçanërisht nervoze për Harryn për të treguar cenueshmërinë e tij, dhe se ajo ishte tepër krenare për të”.
“Megjithatë ajo e theksoi titullin mbretëror, duke thënë se Harry do të jetë gjithmonë princi i saj”, ka thënë burimi.
Kjo vjen ndërsa Mbretëresha theu heshtjen e saj të martën në një deklaratë, duke thënë “ndërsa disa kujtime mund të ndryshojnë” e gjithë familja është e trishtuar “kur dëgjoi për ‘disa vite sfiduese’ të çiftit”.
Deklarata e saj e plotë lexonte: “E gjithë familja është e pikëlluar kur mësoi plotësisht se sa sfidues kanë qenë vitet e fundit për Harryn dhe Meghanin”.
