Rep-artisti i njohur shqiptar, Don Xhoni, është bërë tejet i kërkuar në mbrëmjet muzikore.
Ani pse për shkak të pandemisë, ai ka arritur që të organizojë një të tillë ditën e djeshme (e premte) në Mitrovicë.
Por, në një postim në rrjetin social Instagram, reperi ka bërë të ditur se ka anuluar të gjitha koncertet e planifikuara.
"Për shkak të situatës me pandemi kemi vendosur bashkë me menaxherin, që të anulojnë të gjitha tubimet dhe mbrëmjet”, është shprehur ai.
Ai ka thënë edhe se ky vendim është marrë pasi në asnjë vend nuk po respektohen masat antiCOVID.
Ndërkohë, “Kokaina” është projekti tij i fundit, që u prit jashtëzakonisht mirë nga admiruesit e muzikës së tij.
