Diana u vesh me “Gucci”, shumë vite përpara se kjo e fundit të bëhej një brand kryesor i modës në botë. Princesha zgjodhi në vitet 80’ dhe 90’ për të udhëtuar me një çantë, e cili asokohe u quajt “çanta e Dianës”.
Për nder të kujtimit të princeshës, e cila do të mbushte 60 vjeç më 1 korrik, shtëpia luksoze e modës lëshoi një kopje të rinovuar të aksesorit të saj të preferuar.
Nën vizionin e drejtorit krijues të Shtëpisë Italiane, Alessandro Michel, Gucci Diana i ri, i disponueshëm në mini, madhësi të vogël dhe të mesme, ka doreza bambu dhe vjen në blu pastel, rozë, të zezë, kafe dhe të bardhë.
Ky aksesor i ri është në dispozicion nga kompania italiane nga 6 korriku.
Kujtojmë se për nder të Dianës, po ashtu edhe ish-Zonja e Parë dhe Sekretarja e Shtetit e SHBA-ve, Hillary Clinton, e ka kujtuar me fjalë mjaft emocionuese princeshën e ndjerë dhe shumë të dashur për popullin.
“Unë jam duke menduar për princeshën Diana, e cila do të mbushte 60 vjeç sot. Kur e takova në Shtëpinë e Bardhë si zonjë e parë, kujtoj se ishte pushtimi më i bukur britanik që Shtëpia e Bardhë ka pasur ndonjëherë”, ka shtuar Hillary krahas fotos me princeshën.
