Nicolas Cage ka interpretuar role të një spektri të gjerë të çuditshëm gjatë gjithë karrierës së tij, por roli i Joe Exotic nuk do të përfshihet në atë listë, sepse Amazon ka vendosur ta lë të gjithë projektin në pritje.
Fituesi i Oskarit, i cili aktualisht po merr vlerësime për interpretimin e tij në filmin “Pig”, ka treguar se nuk do ta luajë “Mbreti Tigër” në serialin e Amazon, i cili është shtyrë tani për tani.
Sipas Variety, seriali i prodhuar nga Imagine dhe CBS Studios, i frymëzuar nga “Tiger King: Murder, Mayhem and Madness” i Netflix, mund të blihet nga kompani të tjera të prodhimit.
“Ne duhet ta sqarojmë situatën. Kam lexuar dy skenarë, të cilët mendoja se ishin të shkëlqyer, por unë mendoj se Amazon përfundimisht mendoi se ishte një material që u shndërruar në një ‘kohë të kaluar’, sepse u desh shumë kohë që të bashkohej”, ka deklaruar Cage.
Ai shpjegoi se në një moment nga studioja menduan se ata kishin një hit, por “ai moment është zhdukur në distancë dhe nuk është më i rëndësishëm”.
Joseph Allen Maldonado-Passage i njohur si Joe Exotic dhe me nofkën “The Tiger King” (Mbreti Tigër) është një personalitet mediatik amerikan, biznesmen dhe një, i cili operoi me ‘Greater Wynnewood Exotic Animal Park’ (të njohur edhe si kopshti zoologjik G.W. Zoo në WynneWood të Oklahomas nga viti 1998 deri në vitin 2018.
Sidoqoftë, aktori i famshëm do të marrë një rol edhe më sfidues në të ardhmen – ai do ta luajë veten në filmin “The Unbearable Weight of Massive Talent”. Filmi ndjek Cage si një aktor pa para, i cili bie dakord për një performancë të paguar në ditëlindjen e miliarderit, super adhuruesit të tij, si pjesë e një veprimi të hollësishëm të CIA-s.
