“Inati” është titulli i këngës më të re të Melisa Lleshit që është kompletuar me videoklip.
Kantautori Irkenc Hyka qëndron prapa këtij projekti, të cilit ia ka bërë muzikën dhe e ka shkruar tekstin së bashku me Lorenc Hasramën.
Për miksimin dhe masterizimin e këtij projekti muzikor është kujdesur JoJo.
Lidhur me anën vizuale është angazhuar produksioni Imagine Films që e ka xhiruar videon muzikore.
“U kry” dhe “Leje” janë këngët e mëparshme të Melisës që janë pritur mirë nga publiku dhe të njëjtën rrugë pritet ta ndjekës edhe “Inati”.
