Tenori i shquar Ramë Lahaj ka mbajtur me version të shkurtur koncertin në Prishtinë.
Kjo pasiqë sot është përballur me një nga humbjet më të mëdha në jetë – vdekjen e nënës, vetëm dy orë përpara koncertit të paraparë në sheshin “Skënderbej”.
Për këtë arsye, është mbajtur vetëm çereku i asaj që ishte planifikuar nga interpretimet.
“Ju kërkoj falje që duhet me mbyll më herët. As një e treta e koncertit nuk ishte, sepse dy orë para koncertit ka ndërruar jetë personi më i dashur për mua, nëna, por s’desha ta anuloj”, ka deklaruar Lahaj para mijëra spektaktorëve.
