E përjavshmja "Chi" ka zbuluar dashurinë e re të Michele Morrone. Aktori, i cili arriti famë ndërkombëtare falë filmit shumë të diskutuar të Netflix "365 Ditë", thuhet se është në një marrëdhënie me blogeren e modës Giulietta Borroni.
Numri i fundit i “Chi” i kushtohet romancës së re të aktorit me disa foto ekskluzive. Në njërën prej fotove, të zgjedhur edhe për kopertinën e këtij artikulli, aktori shihet duke e puthur të dashurën në qafë.
Sipas asaj që shkruhet nga "Chi", Michele Morrone i është afruar Giulietta Borroni-t së pari me një puthje të butë në vesh, pastaj me një përqafim dhe më pas një puthje në qafë. Morrone duket vërtet i dashuruar nga këto shkrepje.
Por kush është Giulietta Borroni?
Giulietta Borroni është me origjinë nga Novara, por është e adoptuar në Milano. Borroni është një influencuese me një profil Instagrami me mbi 19,000 ndjekës. Ajo gjithmonë ëndërronte të bënte filma, por më pas gjeti një vend në botën e estetikës dhe kujdesit të trupit. Tani, Borroni është një artiste qerpikësh.
