E reja Shejla Bakija është një tjetër shqiptare e cila është vrarë nga partneri i saj. Vrasja e 19-vjeçares shqiptare në Tuz nga ish i dashuri i saj Ilir Gjokaj në shtëpinë ku jetonte bashkë me gjyshen dhe familjen tronditi ditën e djeshme Malin e Zi. Fati tragjik i vajzës së re, ka bërë që shumë komentues të reagojnë të zemëruar në rrjetet sociale.
Reagimet kanë qenë të shumta dhe qytetarët kanë thirrur protestë ditën e sotme në orën 12:00 para ndërtesës së Policisë së Tuzit.
Ndër ta është edhe modelja e njohur me origjinë shqiptare Emina Cunmulaj, e cila jeton në SHBA.
Modelja kërkon kapjen e autorit të ngjarjes i cili është ende në arrati.
Është e paqartë arsyeja përse 19-vjecarja ka rënë viktimë e bashkëshortit të saj.
Gjithë çfarë dihet është se e reja kishte bashkëjetuar me vrasësin dhe para pak kohësh është ndarë nga ai duke u zhvendosur sërish në shtëpinë e prindërve. Mesa duket problemet kanë sjellë edhe ndarjen e tyre, që autori duket se nuk e ka pritur mirë.
