Shakira, Elton John dhe Ringo Starr janë disa nga të famshmit që janë të përfshirë në “Pandora Papers” – të cilët kanë zbuluar marrëdhëniet e pasuritë të disa prej njerëzve më të fuqishëm në botë.
Më shumë se 300 udhëheqës botërorë, politikanë, figura biznesi dhe yje thuhet se janë të lidhur dhe përdorën kompani ‘offshore’ për të grumbulluar pasuri dhe për të bërë transaksione në shmangien e taksave.
Raporti, i realizuar nga Konsorciumi Ndërkombëtar i Gazetarëve Hulumtues (ICIJ), bazohet në rrjedhjen e afërsisht 11.9 milionë dokumenteve nga 14 kompani të shërbimeve financiare.
Shakira Isabel Mebarak Ripoll (emri i vërtetë i Shakira) thuhet se kishte të paktën tre nga kompanitë e saj në det të hapur të krijuara nga një firmë e quajtur OMC Group, sipas hetimit të bërë nga ICIJ.
Avokati i artistes sipas raportimeve të medieve ndërkombëtare bëri me dije se llogaritë e saj “offshore” janë të deklaruara dhe nuk i kanë sjellë asaj ndonjë avantazh sa i përket tatimeve.
Një tjetër personazh është edhe ish-super ylli i kriketit, Sachin Tendulkar nga India.
Avokati i këtij të fundit nuk u është përgjigjur pyetjeve të gazetarëve.
Pjesë e dosjes “Pandora Papers” është edhe muzikanti Elton John si dhe modelja Claudia Schiffer. Përfaqësuesit thanë se supermodelja i paguan saktë taksat e saj në Mbretërinë e Bashkuar, ku edhe jeton.
Të përfshirë gjithashtu në publikime janë edhe ish-kryeministri britanik, Tony Blair dhe gruaja e tij, Cherie Blair, bashkëpunëtorët e presidentit rus, Vladimir Pu
