Artisti dhe producenti shqiptar, Elgit Doda, së fundmi ka prezantuar projektin e ri muzikor.
“TL” apo “Toxic Love” mban titullin kënga e tij e re apo në shqip “Dashuri toksike”, të cilën e ka kompletuar edhe nga ana vizuale.
Protagonist në këtë videoklip është aktori Donald Veshaj tashmë njëri nga banorët në Big Brother VIP.
Teksti është shkruar nga vet Veshaj, kurse për producimin u përkujdes Doda.
Miksimi dhe masterizimi i projektit u bë nga Marenglen Boja të drejtuar nga The Claudia.
Videoja ndërkohë i është besuar produksionit të njohur, “Fullmoon Production”.
Donaldi po vazhdon akoma të përflitet për raportin e marrëdhënien me prezantuesen Bora Zemani.
