Zayn Malik dhe Yolanda Hadid, nëna e Gigi Hadid, janë përfshirë në një mosmarrëveshje për një debat të pretenduar, ndërkohë që burime të brendshme pranë tyre tregojnë për një marrëdhënie toksike mes Zayn dhe Gigi-t.
“Nuk ka pëlqim mes Yolanda-s dhe Zayn,” tha një burim për People. Të enjten, Zayn postoi një deklaratë në Twitter në lidhje me incidentin e supozuar mes tij dhe Yolanda-s, duke thënë se ai është zakonisht një person privat, por zgjodhi të flasë për shkak se situata ishte përhapur në shtyp.
Megjithëse nuk specifikoi asgjë, një histori e publikuar nga TMZ pretendonte se ai ka "sulmuar" Yolanda-n. People ka siguruar dokumentet gjyqësore që konfirmojnë se Malik u akuzua për katër akuza për sulm pas një incidenti më 29 shtator në të cilin ai dyshohet se "e kapi [Yolanda-n] dhe e shtyu drejt një komodine, duke shkaktuar ankth mendor dhe dhimbje fizike.”
Zayn ka mohuar me vendosmëri “sulmin”.
Një mik i ish-anëtarit të One Direction tha për People se Malik ka këmbëngulur se ai kurrë nuk e goditi Yolanda-n dhe grindja filloi kur "ajo erdhi e paftuar në shtëpi teksa Gigi ishte larg për punë dhe ai po kujdesej për Khai-n...Kjo çoi në një debat.”
Një mik i familjes i afërt me Gigi-n, tregoi për People se "Zayn ka një personalitet të komplikuar", duke shtuar: "Ka qenë e vështirë ndonjëherë për Gigi-n të jetojë me të.”
"Ata janë të dy prindër të mirë. Ata janë bashkë-prindër," vazhdon burimi. "Yolanda sigurisht që është shumë mbrojtëse ndaj Gigi-t. Ajo dëshiron më të mirën për vajzën dhe mbesën e saj. Ka pasur disa probleme me Zayn. Ajo mendon se ai mund ta trajtojë Gigi-n më mirë. Kjo po krijon konflikte mes Yolanda-s dhe Zayn."
Mes mosmarrëveshjes, një burim pranë Zayn thotë se ai po fokusohet te Khai. "Zayn është një baba i mrekullueshëm dhe Gigi e ka thënë këtë. Ata nuk po zihen. Ata po punojnë në mënyrë aktive dhe miqësore për të gjetur mënyrën më të mirë për të bashkëprindëruar tani. Yolanda po e fut veten në një situatë ku nuk i takon.”
Menjëherë pas deklaratës fillestare të Malik në Twitter, një përfaqësues i Gigi-t tha për mediat se modelja "është e fokusuar vetëm tek më e mira për Khai-n. Ajo kërkon privatësi gjatë kësaj kohe."
