Kristen Stewart së shpejti do të martohet më partneren e saj Dylan Meyer (lexoni këtu). Por ndërsa aktorja duket se ka gjetur lumturinë dhe është gati të hedhë hapin e madh, le të kujtojmë historikun e romancave të saj, disa prej të cilave e bënë publikun të ëndërrojë.
Robert Pattinson: 2009 – 2012
Kristen dhe Robert filluan të dlinin bashkë në vitin 2009 pasi u takuan në xhirimet e filmit Twilight. Ata nuk e dinin se do të ishte një romancë që zgjati disa vite dhe për të cilën njerëzit ende flasin edhe sot e kësaj dite. Dyshja ishin të pandashëm gjatë kohës së tyre bashkë dhe dukeshin shumë të dashuruar.
Para se të lidhej me Pattinson dhe para se të bëhej e famshme, Kristen ishte në një lidhje me Michael Angarano, nga viti 2005 deri në 2008-ën.
Rupert Sanders: korrik 2012
Kush nuk e mban mend tradhtinë që Kristen i bëri Robert Pattinson me Rupert Sanders? Rupert drejtoi Kristen në filmin “Snow White And The Huntsman” dhe e quajti atë që ndodhi mes tyre "një gabim emocionues".
Fakti që Rupert ishte i martuar në atë kohë dhe Kristen ishte ende në lidhje me Robert Pattinson, bëri që romanca e tyre të shkaktonte një bujë të madhe kudo.
Alicia Cargile: 2014 – 2016
Marrëdhënia midis Alicia Cargile dhe Kristen Stewart ishte e trazuar, por u shënua kur Kristen filloi të hapej për seksualitetin e saj.
SoKo: mars 2016 – maj 2016
Muzikantja franceze SoKo konfirmoi lidhjen e saj me Kristen në mars të 2016-ës. Në një intervistë me "W" për të dashurën e saj të re, SoKo tha: "Jam shumë, shumë, shumë e dashuruar dhe shumë e lumtur në një lidhje."
Fatkeqësisht, romanca zgjati vetëm pak muaj.
Stella Maxwell: dhjetor 2016 - gusht 2019
Supermodelja Stella Maxwell dhe Stewart qëndruan bashkë për rreth 2 vite. Ato u panë duke bërë pothuajse gjithçka së bashku – nga paraqitjet në tapetin e kuq, tek aeroportet dhe xhirimet e filmave. Ato u ndanë dhe u bashkuan një herë gjatë asaj periudhe, duke i dhënë fund njëherë e mirë në gusht të 2019-ës.
Sara Dinkin: dhjetor 2018 – prill 2019
Thashethemet për lidhjen e Kristen me stilisten e modës Sara Dinkin filluan në dhjetor të vitit 2018 kur ato u panë të kapura për dore. Ishte një kohë shumë e shkurtër midis ndarjes me Stella-n, por flaka u shua shpejt.
Dylan Meyer: gusht 2019
Kristen dhe skenaristja Dylan Meyer u panë për herë të parë në gusht të 2019-ës, duke nxitur një sërë thashethemesh për jetën private të Stewart.
Së fundmi, aktorja pranoi se janë fejuar dhe së shpejti presim të kemi dasmën!
