Vetëm një javë larg dasmës së saj, Paris Hilton duket se po merr vendime të pasigurta. Së fundmi, ajo ndryshoi vendin e dasmës në minutën e fundit, por jo vetëm kaq.
Një burim për Page Six tha se nusja e ardhshme nuk e ka ndarë mendjen për fustanin dhe është ende duke menduar nëse do të veshë një fustan Valentino apo Oscar de La Renta. Ajo u pa këtë javë duke u ndalur në dyqanin Valentino në Nju-Jork me motrën e saj Nicki Hilton, por një burim thotë se Oscar është gjithashtu në garë.
Për fat të mirë, disa gjëra janë vendosur. Shoqërueset e nuses, të cilat thuhet se janë të gjitha anëtare të familjes, do të veshin fustane rozë të personalizuar nga Alice + Olivia, e preferuara e Paris dhe motrës së saj Nicki. Ndërsa Nicki do të jetë zonja e nderit, shoqërueset e nuses do të jenë motra e dhëndrit Carter Reum, Halle Hammond; Tessa, gruaja e vëllait të Parisit; vajza e Kim Richards, Whitney Davis dhe vajza e Kyle Richards, Farrah Aldjufrie.
Dasma do të zgjasë tri netë dhe do të zhvillohet në pronën e gjyshit të saj të ndjerë, Barron, në Bel-Air.
“Ndryshoi rreth një javë më parë. Ka ndryshuar disa herë”, tha një burim. "Fillimisht, ata do të martoheshin në kishë, por ata e ndërruan vendin rreth një javë më parë apo më shumë."
Nata e dytë do të jetë një festë me temë karnavalesh, që do të mbahet në Santa Monica dhe nata e tretë, e shtuna, do të jetë një festë me kravata të zeza.
Parisi dhe sipërmarrësi Carter Reum u fejuan në shkurt pas 1 viti lidhje dhe dasma pritet të jetë një ndër më luksozet që kemi parë.
