(E plotësuar) - Noizy është liruar nga paraburgimi.
Ai është shfaqur në Instagram ku ka postuar një video pa asnjë përshkrim.
Nëse nuk e dini, reperi nga Shqipëria është arrestuar mbrëmë nga Policia e Kosovës.
Arrestohet Noizy në Kosovë
Reperi i njohur, Rigels Rajku i njohur si Noizy është arrestuar mbrëmë nga Policia e Kosovës.
Lajmi e ka konfirmuar, zëdhënësja e rajonit të Prishtinës, Flora Ahmeti.
“Mbrëmë në pikën kufitare, në Vermicë nga policia është ndaluar një person, i cili është shoqëruar në stacionin policor Qendra në Prishtinë. Ndaj tij ka qenë aktive një urdhëresë të gjykatës. Zyrtarët policor në koordinim me institucionet përkatëse, po kryejnë veprimet e nevojshme procedurale”, tha zëdhënësja.
Së fundmi, Noizy ka qëndruar disa ditë në Zvicër, ku edhe ka publikuar fotografi të ndryshme nën shoqërinë e aktorit, Blerim Destani dhe reperit, Gramoz Aliu i njohur si Mozzik.
