Doja Cat ishte një prej performueseve kryesore në iHeartRadio Jingle Ball, mirëpo ajo do të duhet të tërhiqet nga festivali për shkak se ka rezultuar pozitive me COVID-19.
Lajmin e ka dhënë vetë reperja amerikane, e cila ka shprehur keqardhjen që nuk do të jetë në festival për fansat e saj.
“Jam e trishtuar të njoftoj që sapo kam rezultuar pozitiv dhe nuk do të jem më në gjendje të performoj në pjesën tjetër të turneut”, ka shkruar Doja në Twitter.
“Ndërsa humori im është i rënduar pasi nuk mund të jem atje për të festuar festën me fansat e mi në Philly, DC, Atlanta dhe Miami, jam mirë dhe mezi pres të shërohem dhe të kthehem atje sa më shpejt që të mundem! Pjesa tjetër e ndalesave të turneut kanë disa formacione vërtet të shkëlqyera, do të doja që të mund të isha atje”, ka shtuar ajo.
Përveç Dojës, pozitivë rezultuan edhe anëtarët e ekuipazhit.
Doja Cat ka bashkëpunuar me yllin shqiptar, Bebe Rexha në këngën “Baby I’M Jealous”, e cila ka mbi 65 milionë klikime në YouTube.
