Reality-show, “Big Brother Albania VIP” tashmë është kthyer në një ndër emisionet me të shikuara në trojet shqiptare, madje duke u bërë edhe temë diskutimi në shoqërinë tonë.
Sonte në natën e spektaklit pritet të merret vendimi për shtyrjen e finales deri më 18 shkurt, e jo siç ishte paraparë të ishte në javën e dytë të janarit.
Ndërsa në media rozë është përfolur se do të jenë tri hyrje të reja në shtëpi, ditën e djeshme u bë i ditur edhe emri i njëres prej tre banorëve që do të hyjë sonte e që është moderatorja kosovare, Egzona Rafuna.
Faqja e njohur në rrjetin social “Instagram”, ‘Vipat e Bllokut’ kanë publikuar edhe emrat e dy banorëve të tjerë.
Banori i dytë që do të hyjë është Genajd Shypheja i cili është me profesion tenist, ndërsa emri i dytë është këngëtarja, Xheisara Frisku.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.
