Rihanna po mbështet besimin e saj se ndryshimi i klimës është një çështje e drejtësisë sociale duke premtuar 13.2 milionë euro për lëvizjen, përmes fondacionit të saj “Clara Lionel”.
Këngëtarja njoftoi të martën se donacioni për 18 organizata të drejtësisë klimatike do të kontribuojë në shtatë vende të Karaibeve dhe në Shtetet e Bashkuara. Këto përfshijnë Aleancën për Drejtësinë Klimatike, Rrjetin Indigjen të Mjedisit dhe Lëvizjen për Jetët e Zezakëve.
“Fatkeqësitë klimatike, të cilat po rriten në frekuencë dhe intensitet, nuk prekin të gjitha komunitetet në mënyrë të barabartë, me komunitetet me ngjyrë dhe kombet ishullore që përballen me barrën e ndryshimeve klimatike”, thotë Rihanna, e cila është nga ishulli lindor i Karaibeve, Barbados.
Ajo shpjegon se fondacioni i saj, i cili mban emrin e gjyshërve të saj, i jep përparësi si elasticitetit klimatik, ashtu edhe punës së drejtësisë klimatike.
