Së fundmi, banorët e shtëpisë së “Big Brother” i janë nënshtruar një sfide shumë interesante. Ata kanë mundësi për të darkuar me persona jashtë shtësë, si miqtë apo familjarët. Mirëpo, për të realizuar këto takime ata duhet të paguajnë para të cilat i zbriten çmimit të madh prej 115 mijë euro.
Teksa dy vizitorët e parë ishin opinionistët e formatit, Arbri dhe Balina, shtëpia më e famshme në Shqipëri ka mirëpritur miqtë e tyre, njëkohësisht edhe personazhe publike shumë të njohura për publikun.
Agrona Llakaj, Xhemi Shehu, Ermal Mamaqi, Ed Manushi, Flori Gjini, Salsano Rrapi ishin disa nga të njohurit që darkuan mbrëmjen e sotme me 6 banorët Donaldin, Ilirin, Beniadën, Monikën, Einxhel dhe Arjola duke krijuar biseda shumë argëtuese dhe të qeshura pa fund.
Një nga gjërat që ka tërhequr më së shumti vëmendje ka qenë situata humoristike që Beniada krijoi. Ajo përshëndeti Ermal Mamaqin duke kujtuar se bëhej fjalë për Agron Llakajn.
Ajo i tha Ermalit që Donaldi i kishte folur shumë mirë për të. Më pas, banori e sqaroi duke i thënë se kishte ngatërruar personazh.
Ndërkohë, në vijim të javës pritet që në shtëpi të hyjnë edhe disa nga ish banorët si dhe vetë moderatorja Arbana Osmani.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.
