“Gjakrat” mes Einxhel Shkirës dhe Donald Veshajt duket se janë qetësuar.
Aktori dhe moderatorja po qëndronin së bashku me banorët e tjerë të BBV në oborr, dhe teksa Einxhel Shkira po haste vështirësi me heqjen e bluzës për shkak të krahut të thyer gjatë lojës në shtëpinë e Big Brother Vip.
Fillimisht i ka shkuar në ndihmë modelja Beniada Nishani dhe më pas aktori Donald Veshaj.
Të dy e ndihmuan të hiqte bluzën, në mënyrë që prezantuesja të rrinte më rehat.
Duket se dyshja ka bërë ‘paqe’ me njëri-tjetrin dhe kanë hedhur pas krahëve mosmarrëveshjet mes tyre.
Einxhel Shkira akuzoi Donald Veshajn se e hoqi padrejtësisht nga puna dhe nuk i dha rrogën kur e punësoi në emisionin e tij “Binjakët”. Ndërsa aktori humorit iu drejtua duke thënë “di shumë gjëra për ty”, por nuk donte ti tregonte për të mos i prishur imazhin.
Ndryshe, BIG Brother VIP Albania mund ta ndiqni ekskluzivisht në platformën IPKO, në dy kanale të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 31 dhe 32 në listën e kanaleve, si dhe përmbledhjen javore në kanalin TOP Channel.
