Agjencia e modelimit Storm ka fshirë Lottie Moss nga faqja e saj e internetit, duke nxitur spekulime se këtë e kanë bërë ndaj yllit për shkak të stilit të egër të jetës së saj, varësinë nga kokaina dhe kirurgjinë estetike, shkruan MailOnline, përcjell Bota sot.
Ekspertët e industrisë së modës kanë paralajmëruar për muaj të tërë se 24 vjeçarja Lottie, motra e vogël e supermodeles Kate Moss, 48 vjeç, po e vinte në rrezik karrierën e saj premtuese të modës duke shitur foto të saj të çmendura në uebsajtin erotik OnlyFans.
Tani, burime pranë Storm Management sugjerojnë se firma, e cila ka ushqyer karrierën e shumë modeleve të reja të suksesshme, duke përfshirë Cara Delevingne, më në fund mund të ketë humbur durimin me Lottie dhe të ketë ndërprerë marrëdhëniet me të.
Përveç fshirjes së profilit të saj nga faqja e internetit e kompanisë, Storm nuk ka postuar për Lottie në profilin e tyre në Instagram, i cili ndiqet nga 439 mijë fansa dhe profesionistë të industrisë, që nga shtatori 2020.
Lottie, nga ana tjetër, ka hequr të gjitha përmendjet e Storm nga mediat e saj sociale, ku ajo tani deklaron se ajo përfaqësohet nga We Are Verified, një agjenci e pavarur me qendër në Los Angeles që kujdeset për ndikuesit e mediave sociale.
Një burim i modës tha për MailOnline se kompania u detyrua të distancohej nga Lottie pasi ajo rrëfeu se kishte një 'varësi vërtet të keqe ndaj kokainës' dhe u dërgua në rehabilitim.
Kishte gjithashtu shqetësime në rritje midis bosëve të industrisë për sasinë e operacioneve estetike që ajo i është nënshtruar kur modeleve të Storm u ndalohet të ndryshojnë në mënyrë drastike pamjen e tyre./BS/
