“Pasionet e Fshehta”, ndër serialet më të pëlqyera dhe të dashura për publikun ka përfunduar xhirimet.
Këtë e kanë bërë të ditur vetë aktorët e serialit, të cilët kanë treguar që kanë përfunduar xhirimet.
“Me atë buzëqeshje në fytyrën tonë dhe kënaqësinë që kemi bërë një super punë, i thamë lamtumirë shtëpisë sonë. Për të gjithë ata që kanë kërkuar, ne tashmë kemi mbaruar xhirimet e serialit” ka shkruar aktorja Natasha Klauss.
“Në ditën tonë të fundit të xhirimeve. Faleminderit për kaq shumë dashuri që keni për “Pasionet e Fshehta”. Faleminderit për të gjithë partnerët e mi të talentuar të skenës, ekipin e prodhimit, grimin, kostumet, regjinë, kamerat, zërin, fotografinë, teknikën dhe të gjithë ata që e bënë të mundur këtë ëndërr”, shkroi gjithashtu aktorja tjetër, Paola Rey e cila luan rolin e “Himenes”.
