Donald Veshaj sapo publikoi këngën e tij të re, të titulluar “Nuk je”.
Kënga e paralajmëruar dje, u publikua sot, në orën 18:00.
Nga fraza e tekstit të këngës: “Unë e di që jam idiot, ama jam idioti jot”, fansat e tij menduan se kjo këngë është një dedikim për Borën.
Por ky nuk është detaji i vetëm që e tregon dedikimin. Në fund të këngës, del numri 5 që fansat e kanë vënë në dukje si detaji që e vulos gjithçka, pasi data 5 përkon me përvjetorin e lidhjes së Donaldit dhe Borës. Datë kjo që u kujtua dhe në shtëpinë e BBV nga vetë Donaldi, kur i dhuroi varësen e tij Borës.
Kënga është dedikim romantik për një histori të mbetur pezull të cilën aktori kërkon ta rijetojë.
