Kim Kardashian dhe Pete Davidson gati pesë muaj më parë nisën lidhjen e tyre të dashurisë, dhe duket se çdo gjë mes tyre po shkon më së miri.
Kim Kardashian, 41 vjeçe, dhe Davidson, 28 vjeç, po shijojnë daljet së bashku në publik dhe e kanë zyrtarizuar edhe në rrjetet e tyre sociale.
“Kim është e çmendur pas Pete. Ai po kalon pjesën më të madhe të kohës në Los Angeles tani. Ai po njihet ngadalë me fëmijët e saj. Megjithatë Kim nuk po e shtyn atë. Pete nuk e kalon natën në shtëpinë e saj. Kim dëshiron që kjo të jetë një situatë komode për të gjithë”, tha një burim i afërt i çiftit për People.
Më tej burimi shtoi. “Kim është thjesht shumë e lumtur dhe serioze me Pete. Familja e saj pëlqen ta ketë pranë. Ai është shumë i ëmbël për Kim. Të gjithëve u pëlqen ta shohin atë kaq të lumtur.”
Mes marrëdhënies së saj me Davidson, nëna e katër fëmijëve është marrë me procedurat e vazhdueshme të divorcit. Kardashian paraqiti kërkesën për divorc nga West, 44 vjeç, në shkurt 2021 pas shtatë vitesh martesë dhe u shpall ligjërisht beqare këtë muaj.
