Nick Jonas foli për këndvështrimin e tij të ri mbi atësinë pasi ai dhe Priyanka Chopra mirëpritën në jetë vajzën e tyre Malti. Nisja e eksperiencës së prindërimit nuk ishte e lehtë, sepse vajza e tyre kaloi mbi 100 ditë në kujdesin intensiv pas lindjes.
Duke folur për Variety të mërkurën, Nick foli shkurtimisht mbi të shtënat masive në shkollën fillore Robb në Uvalde, Teksas, duke thënë se gjërat ndihen "më intensive" tani që ai është baba.
"Pesha e gjithçkaje është shumë më intensive," tha ai për gazetën. “Mendoj se tani ka të bëjë me përpjekjen për të qenë sa më i pranishëm dhe sa më i zhytur në mendime për familjen, por edhe për udhëtimet e njerëzve të tjerë. Unë jam shumë mirënjohës për Malti Marie dhe perspektivën e mrekullueshme të të qenit prind," shtoi ai.
Pasi lajmi për masakrën e tmerrshme doli në dritë, Jonas ndau në Twitter një link me një grup të quajtur Moms Demand Action që punon për t'i dhënë fund dhunës me armë.
“Si baba, si xhaxha, nuk mund të mos mendoj për fëmijët dhe të gjitha jetët e humbura”, tha ai për Variety. "Unë shpresoj që ndryshimi të ndodhë dhe ne do ta shohim fundin e kësaj."
Nick dhe Priyanka u bënë prindër në janar të këtij viti.
