Modelja dhe këngëtarja Afërdita Dreshaj dhe hokeisti çek Jakub Kindl kurorëzuan dashurinë e tyre rreth katër vite më parë. Në mars të vitit të kaluar çifti gjithashtu u bënë dhe prindër të një djali të cilin e pagëzuan me emrin Sky Blue.
Afërdita është goxha aktive në rrjetet sociale teksa ndan me ndjekësit e saj foto apo video përgjatë përditshmërisë. Së fundmi ajo ndodhet me pushime së bashku me partnerin e saj ku së fundmi ka realizuar dhe një bisedë virtuale në Instagram.
Një ndjekës e ka pyetur këngëtaren se si ia del që ajo dhe Jakub të kenë një marrëdhënie kaq të shëndetshme. Sipas modeles të kaluarit sa më shumë kohë me partnerin e bën marrëdhënien të jetë e shëndetshme.
“Ai është shoku im i ngushtë, ne kalojmë kohë së bashku dhe besoj se kjo është diçka shumë e shëndetshme për një marrëdhënie”- iu përgjigj ajo.
Rikujtojmëse Dreshaj i ka thënë lamtumirë SHBA-së rreth një viti më parë, pasi një arsye e fortë e ka detyruar të kthehet në Çeki, në vendlindjen e bashkëshortit, Jakub Kindl.
Burime pranë çiftit zbuluan asokohe se çështjet ekonomike i kanë detyruar të largohen nga Amerika, pasi nuk përballonin dot jetesën e shtrenjtë atje. Afërdita dhe bashkëshorti i saj u bënë prindër për herë të parë në muajin mars dhe natyrisht që jeta e tyre ndryshoi duke shtuar kështu dhe shpenzimet.
