Këngëtari Ylli Baka ka zbuluar një bashkëpunim të ri të tijin. Ai ishte i ftuar në emisionin “Part Time” ku në rolin e kuzhinierit i është përgjigjur pyetjeve të Rudina Dembacaj.
Ai ka treguar se koha e pushimit për të është para se të fillojë sezoni dhe se nuk është e vërtetë se paguhet shumë.
“Të tjerët paguhen më shumë, por unë këndoj më shumë”, është shprehur ai.
I vënë para pyetjes se me kë do ta ketë bashkëpunimin e radhës, ai është shprehur se ka dy bashkëpunime, por zgjodhi të tregojë për kamerat vetëm njërin, atë me vëllezërit korçarë, Endri dhe Stefi Prifti. Bashkëpunimi tjetër do të jetë me një këngëtare, emrin e të cilës Ylli Baka ia pëshpëriti vetëm Rudinës.
Rudina: Cili është bashkëpunimi jot i radhës në muzikë?
Ylli Baka: Kam një bashkëpunim…
Rudina: Se thua dot?
Ylli Baka: Do ta them, një është me vëllezërit korçarë.
Rudina: O na tërbuat fare, na shkatërruat.
Ylli Baka: Po shkatërrime vetë, bombardime, gjëra kështu, po jo luftë. Kam edhe një bashkëpunim me një këngëtare tjetër.
