Lady Kitty Spencer festoi përvjetorin e parë të martesës gjatë fundjavës duke postuar pamje të papublikuara nga dasma e saj luksoze. Mbesa e Princeshës Diana ndau një video që përfshinte skena nga ceremonia e martesës me Michael Lewis.
“Sot një vit më parë në qytetin e përjetshëm”, ka shkruar Kitty krahas postimit.
Videoja tregon kushërirën e parë të princave William dhe Harry, e cila është një ambasadore globale e Dolce & Gabbana-s, me fustanin e saj mahnitës të martesës të frymëzuar nga Viktoria.
“Për veshjen kryesore ajo donte të mbante një prerje mjaft tradicionale, të pastër, por në të njëjtën kohë dëshironte të kishte një joshje të përjetshme”, tha vjet Stefano Gabbana për Tatler.
“Ishte gjithçka shumë e natyrshme dhe autentike. Lady Kitty Spencer na përshkroi fustanin e saj të ëndrrave dhe ne jemi përpjekur t'i interpretojmë dëshirat e saj; Ne punuam së bashku!” shtoi Domenico Dolce.
Videoja përfshin gjithashtu pamjet e Kitty dhe burrit të saj duke parë një shfaqje spektakolare të fishekzjarreve dhe nusen duke ecur në altar me vëllezërit e saj. Kitty ka thënë se shoqërimi i vëllezërve të saj Louis Spencer, Viscount Althorp dhe Samuel Aitken në altar ishte pa dyshim momenti më krenar i jetës së saj.
