Ylli amerikan i realitetit Kim Kardashian dhe komediani i "Saturday Night Live" Pete Davidson i kanë dhënë fund romancës së tyre pas nëntë muajsh lidhje.
Mediat amerikane cituan burime anonime duke thënë se çifti u nda këtë javë. Një zëdhënës i Kardashian nuk kishte asnjë koment, dhe një përfaqësues i Davidson nuk iu përgjigj menjëherë një kërkese për koment.
Të famshmit filluan të takoheshin pasi Kardashian, 41 vjeç, priti "SNL" në tetor 2021. Kardashian është në mes të procedurave ligjore për të finalizuar divorcin e saj nga Kanye West dhe po luan në një shou të ri të realitetit me familjen e saj të gjerë në Hulu.
Davidson, 28-vjeç, ishte anëtar i kastit të serialit komedi "SNL" për tetë sezone përpara se të njoftonte largimin e tij në maj. Së fundmi ai mori pjesë në xhirimet e filmit "Magjistarët!" në Australi.
