Pak ditë pasi u la i lirë nga paraburgimi, reperi Feronit Shabani (i njohur thjesht si Fero), duket se ka gjetur një vend të ri argëtimi: TikTok-u.
Ai është bashkuar me familjen e tij, partneren Arbenita Ismajli dhe vajzën e tyre. Fero publikoi në Instastory një video në ashensor, ku shihet me vajzën e tij Nina dhe modelen.
Mirëpo, gjithashtu ka qenë aktiv në TikTok ku ka nrealizuar shumë video live e gjithashtu ka shpërndarë një postim me Arbenitën. Ai ka vendosur një audio humoristike duke sinkronizuar buzët me të ku thuhet:
“Ja çfarë do me thotë kur ta jep Zoti. Për një vit i bëj me letra, gruan, paratë, të gjitha. Zoti t’i çon të gjitha, veç duke ndenjur kështu. Si pëllumb më mban!”-teksa shkëmben edhe një puthje me Arbenitën.
Rikujtojmë se disa javë më parë reperi sulmoi një person në makinë në qytetin e Gjilanit. Në rrjetet sociale u publikuan menjëherë pamjet e dhunshme dhe më pas policia ndërhyri duke arrestuar reperin.
Ai u la i lirë pak ditë më parë. Në deklaratën e tij për “Telegrafi’ Avokati i reperit tregoi se me datë 16 gusht është pranuar aktvendimi nga Gjykata Themelore e Gjilanit, ku iu është ndërprerë masa për paraburgim, Feros.
Ndonëse kjo nuk do të thotë se çështja është e mbyllur, pasi avokati konfirmoi se janë në pritje të vendimit final.
