Gwyneth Paltrow ka deklaruar se do të vazhdojë të tregojë këmbët e saj pasi të mbushë 50 vjeçe këtë muaj.
Aktorja pranoi se nuk duhet të ketë rregulla se kur nuk duhet të vishen më rroba të caktuara, teksa lavdëroi gratë që nuk bëjnë operacione estetike në një postim të gjatë në blog në faqen e saj, Goop.
Me titull, 'A është kështu si (pothuajse) 50 duket?' ajo shkroi:
"Unë nuk mendoj se ka rregulla kur ju duhet të ndaloni të vishni disa lloje të rrobave në një moshë të caktuar.”
Më tej, aktorja zbuloi se kishte përjetuar ankthe rreth shëndetit dhe vdekjes së saj, duke shtuar se ajo ndihej e bllokuar emocionalisht përpara se të mbushte 45 vjeçe, kur vendosi të mos e vriste më mendjen dhe filloi të qante dhe të bërtiste.
Paltrow ka vajzën Apple, 18 vjeçe dhe djalin Moses, 16 vjeç, me këngëtarin e Coldplay, Chris Martin dhe është e martuar me Brad Falchuk.
Paltrow foli gjithashtu për admirimin që ka për gratë që plaken pa bërë asnjë ndërhyrje estetike, por përqafojnë çdo centimetër të plakjes së tyre. Megjithatë, ajo tha gjithashtu se i lavdëron gratë që zgjedhin t'u nënshtrohen operacioneve estetike ose trajtimeve për t'u dukur rinore.
Në postimin e saj të gjatë në faqen Goop, Gwyneth tha gjithashtu se ajo tani është e fiksuar pas kryerjes së testeve të gjakut dhe pyet veten nëse babai i saj i ndjerë e dinte se ai ishte i dënuar të vdiste në të 50-at e tij.
“Në fakt ndihem shumë mirë që po mbush 50 vjeç. Ndihem shumë me fat që kam shëndetin dhe forcën në trupin tim. Ndihem sikur shumë nga vendimet që kam marrë në fund të të 20-tave, të 30-ave dhe të 40-ave të mia po japin rezultatet tani. Plakja është një udhëtim për të njohur veten tuaj. Është të mësosh të përqafosh plotësisht atë që je në të vërtetë.”
Ajo tregoi gjithashtu se vdekja është në mendjen e saj duke iu referuar babait të saj të ndjerë, i cili vdiq më 3 tetor 2002, në moshën 58-vjeçare, ndërsa po pushonte në Romë, Itali, për të festuar ditëlindjen e 30-të të Gwyneth.
Skenaristi ishte diagnostikuar me kancer oral në vitin 1999 dhe vdekja e tij ishte për shkak të komplikimeve nga kanceri dhe pneumonia.
Gwyneth tha: “Prindërit e mi nuk u fokusuan shumë tek plakja. Mbaj mend për babin tim, 50-vjetori ishte një ditëlindje e vështirë – ai ishte në ankth. Pyes veten nëse ai kishte një lloj shqise të gjashtë, se do të vdiste në të 50-at; dukej sikur ndjeu fundin e jetës së tij në atë moment.”
