Meghan Markle ka mbajtur fjalimin e saj të parë publik në Britani që kur hoqi dorë nga statusi i saj mbretëror dhe u zhvendos në Hollywood Hills mbi dy vjet më parë.
Dukesha e Sussex-it mbajti fjalimin kryesor të hënën në samitin One Young World, një ngjarje vjetore për aktivistët e rinj që “të bashkohen për të përballuar sfidat më të mëdha me të cilat përballet njerëzimi”.
Princi Harry shikoi teksa Markle fliste për barazinë gjinore në ceremoninë e hapjes së ngjarjes. Ajo preku vetë mungesën e vetëbesimit të saj si “vajza nga “Suits” ndërsa ndoqi të njëjtin samit në vitin 2014, dy vjet përpara se tabloidët të shpërthenin me lajmet e saj dhe të Harry-t.
Markle pati një rol kryesor në shtatë sezone të dramës amerikane “Suits” nga 2011 deri në 2018.
“Më lejuan të hyja, që zëri im të dëgjohet” tha Meghan në ngjarjen e rëndësishme në Manchester. Ajo tha sesi nga një vajzë e thjeshtë arriti në ulej në tryezë me kryeministra, liderë të fuqishëm dhe aktivistë duke mos e bërë të qartë rrugën e suksesit të saj: “Isha aq e tronditur nga kjo përvojë, saqë mendoj se ruajta edhe shënimin tim të vogël të letrës me emrin tim mbi të. Vetëm provë – provë që isha atje, provë që i përkisja, sepse e vërteta ishte se nuk isha e sigurt se i përkisja.”
Meghan foli edhe për mënyrën sesi botëkuptimi i saj ka ndryshuar që pasi është bërë nënë.
Markle dhe Harry udhëtuan për ngjarjen nga Londra me tren. Dyshja thuhet se po qëndrojnë në Windsor, vetëm gjysmë milje larg Princit William dhe familjes së tij, megjithëse familja mbretërore thuhet se nuk kanë bërë plane të kontaktojnë dyshen.
William shqetësohet se bisedat private mes tij dhe vëllait të tij do të paraqiten në media, siç kanë ka ndodhur në intervistat e mëparshme, sipas biografes së Harry-t, Angela Levin.
Udhëtimet e Markle dhe Harry në Mbretërinë e Bashkuar kanë qenë të rralla, që kur u ata larguan si anëtarë të familjes mbretërore në vitin 2020. Ata u shfaqën në Jubileun Platinum të Mbretëreshës Elizabeth II në qershor, por u larguan përpara se festimet të përfundonin. Ata gjithashtu bënë një paraqitje të shkurtër në një shërbim falënderimi.
Ndalesa e tyre e radhës është Gjermania për një ngjarje të së martës duke numëruar mbrapsht deri në Lojërat Invictus 2023. Harry është planifikuar të mbajë një fjalim në një ceremoni bamirësie në Londër të enjten.
