Shakira ka filluar këtë javë xhirimet e videos së saj më të fundit muzikore dhe fansat janë të etur për të parë nëse do të ketë ndonjë lidhje me ish-partnerin e saj, Gerard Pique.
Ajo është duke punuar për videoklipin me kolegun e tij Ozuna dhe është një këngë që ata e kanë regjistruar në Manresa të Spanjës.
Xhirimet filluan të shtunën pasdite brenda një supermarketi dhe vazhduan deri në orët e para të mëngjesit në qendër të qytetit. Për momentin dihet pak për këngën e re, që do të jetë e zhanrit urban.
Shakira së fundmi u nda me mbrojtësin e Barcelonës, Pique dhe dyshja janë përfshirë në një betejë për kujdestarinë e fëmijëve.
Për shkak të kësaj situate shumë publike, interesimi për këngën dhe përmbajtjen e saj është i madh.
“A doni të dini emrin e këngës së re të Shakirës dhe Ozunës? Unë tashmë e kam dhe kujdes. Çfarë thumbi për Gerard Pique. Po vjen’”, shkroi Jordi Martin në Instastory.
Nga ana e tij, Ozuna nuk mund të ishte më i lumtur. Siç e zbuloi ai në një intervistë, dashuria e tij e famshme është padyshim Shakira.
