Kate Middleton mori një koment të pakëndshëm gjatë një vizite mbretërore në Irlandën e Veriut të enjten.
"Gëzohem që u njohëm, por do të ishte më mirë për ne nëse do të ishe në vendin tënd," –i tha dukeshës një grua, e cila dukej se po e regjistronte bisedën në telefonin e saj - ndërsa Princesha e Uellsit qeshte e sikletosur.
"Irlanda u përket irlandezëve," shtoi ajo ndërsa Kate vazhdoi të përshëndesë shikuesit, duke e përballuar momentin e sikletshëm si një princeshë e vërtetë.
Takimi dhe përshëndetja e pakëndshme ndodhi gjatë vizitës 1-ditore të Princit dhe Princeshës së Uellsit në Irlandën e Veriut, ku ata vizituan bamirësitë dhe organizata të komunitetit në Belfast dhe Carrickfergus.
Mbretëresha e ndjerë Elizabeth II i dha William dhe Kate titujt Baron dhe Baronesha Carrickfergus në mëngjesin e dasmës së tyre në vitin 2011.
Gjatë udhëtimit të tyre në Irlandën e Veriut – e cila është pjesë e Mbretërisë së Bashkuar – çifti vizitoi një organizatë bamirësie për parandalimin e vetëvrasjeve PIPS në Belfast, ku u bashkuan me një grup këshilltarësh vullnetarë në paketimin e Kutive të Vogla të Shpresës për bamirësi.
