Aktorja dhe modelja amerikane, Emily Ratajkowski, duket se e ka pranuar së fundmi se është biseksuale.
Ajo ndau në TikTok së fundmi përgjigjen e saj ndaj një audioje që dëgjohej të pyeste: “Nëse identifikoheni si biseksual, a keni një divan prej kadifeje të gjelbër?”.
Ylli u përgjigj thjesht duke e kthyer kamerën nga vetja, gjersa ishte ulur në një divan të gjelbër prej kadifeje në shtëpinë e saj.
Kjo video u shpërnda edhe nga aktorja e “Pretty Little Liars”, Shay Mitchell, e cila gjithashtu, siç duket, konfirmoi orientimin e saj seksual.
Videoja e artistes së famshme vjen pak pas raportimeve se ajo ka bërë kërkesën për divorc nga bashkëshorti i saj, Sebastian Bear-McClard.
Ky i fundit nga ana tjetër u tha se e ka tradhtuar bukuroshen, që momentalisht ka nisur një njohje me aktorin Brad Pitt.
Emily ditë më parë po ashtu e kritikoi filmin “Blonde”, i cili flet për jetën e aktores Marilyn Monroe.
“Nuk jam e habitur që është publikuar një film tjetër që bën fetish nga dhimbjet e grave, edhe kur ato kanë vdekur”, ka thënë ajo në një klip që postoi në TikTok.
Gjithashtu, një numër i madh i shikuesve e kritikuan filmin e Andrew Dominik.
Në të duhet theksuar se janë shfaqur disa skena të neveritshme përdhunimi. Filmi mes tjerash nuk rekomandohet për personat nën moshën 17 vjeç.
Biseksualiteti ndërkohë është një tërheqje emocionale, tërheqje seksuale, ose sjellje seksuale kundrejt të dyja sekseve: meshkujve dhe femrave ose tërheqja romantike dhe seksuale ndaj personave me çfarëdolloj seksi ose identiteti gjinor.
