Këngëtari i famshëm shqiptar Yll Limani ka njoftuar se nuk do të jetë pjesë e Festivalit të Këngës në RTSH, që fituesin e çon në festivalin evropian të muzikës, Eurovision.
Ky reagim i artistit erdhi në rrjetin social Instagram, në të cilin ai u shpreh: Nuk do të marr pjesë në Festivalin e Këngës në RTSH për Eurovision”, duke mbyllur kështu çdo thashetheme se artisti mund të jetë pjesë e Festivalit.
Më heret edhe Elvana Gjata ka konfirmuar se nuk garon në Festivalin e RTSH-së, ndërsa një prej këngëtareve të njohura që pritet të jetë pjesë e Festivalit të RTSH-së këtë vit është Fifi.
Ish-banorja e Big Brother, pritet ta pranoj ftesën e drejtueses së festivalit, e cila këtë vit do të jetë Arbana Osmani, ndërsa bashkëshorti i saj, Eduart Grishaj do të jetë në rolin e regjisorit të festivalit, ku fituesi përfaqëson Shqipërinë në Eurovision.
