Një lajm i trishtë është publikuar këtë të premte nga disa media prestigjioze ndërkombëtare. Aktori Robbie Coltrane, i njohur për rolin e Hagridit në serialin ‘Harry Potter’, ka ndërruar jetë mbrëmjen e kësaj të premteje në moshën 72-vjeçar.
Ishte Belinda Wright ajo që ka konfirmuar se aktori vdiq në një spital në afërsi të Falkrik, në Skoci.
Me qindra mesazhe janë përcjellë në rrjet pas lajmit të trishtë. Mes tyre ka qenë edhe shkrimtarja JK Rowling.
“Kurrë më s’kam për të njohur një njeri si Robbie. Ai ishte jashtëzakonisht i talentuar dhe isha shumë me fat që e njoha, punova dhe qesha me të. i shpreh gjithë dashurinë dhe ngushëllimet e mia më të thella familjes së tij dhe veçanërisht fëmijëve të tij”, ka shkruar ajo në postimin e saj në “Twitter”.
