Katy Perry thotë se problemi i saj me syrin gjatë performancës në Las Vegas nuk ishte gjë tjetër veçse një marifet.
“Ju mirëpres të gjithë që do të vijnë të shohin trukun tim me sy të thyer të kukullës IRL në Vegas vitin e ardhshëm”, ka shkruar ajo në një video të momentit alarmant që ka postuar në Instagram të enjten, duke shtuar me shaka: "Dreq po derdh birrë nga gjoksi im (ky është gjithashtu një truk feste...)."
Perry e përdori videon virale për të njoftuar se qëndrimi i saj në Las Vegas ishte zgjatur me 14 koncerte të tjera. Ylli i popit u shpreh më tej se sa e emocionuar ishte që do të performonte sërish vitin e ardhshëm.
Në fillim të kësaj jave, fansat u tronditën dhe u shqetësuan kur një video tregonte syrin e saj të djathtë duke u hapur dhe mbyllur në mënyrë të pakontrolluar.
Pati komente nga më të ndryshmet – nga ata që besonin se ishte faji i ngjitësit të qerpikëve e deri tek ata që besonin se mund të ishte sindroma Ramsay Hunt, me të cilën u përball Justin Bieber.
Si përfundim, rezultoi se ngjarja alarmante ishte thjesht pjesë e aktrimit të saj.
