Menaxheri i VIP-ave, Xhani Demika ka zbuluar një anë tjetër të panjohur për këngëtaren shqiptare Era Istrefi.
I pyetur se cila është sipas tij artistja më mendjemadhe e showbiz-it shqiptar, Demika dha një emër: “Era Istrefi. Edhe kur kam rastisur në koncerte, ka qenë shumë e ftohtë, dhe më është dukur mendjemadhësi.
Mbaj mend në koncertin e fundit që rastisëm, ajo ka qenë e tërhequr nga të gjithë njerëzit”, u shpreh ai në emisionin ‘Glamour Zone’.
Pas një pauze disavjeçare, Era Istrefi i është rikthyer fuqishëm muzikës. Projektet e reja të këngëtares janë shndërruar menjëherë në hite, duke u bërë “fiksimi” i momentit, kryesisht për të rinjtë. Kënga më e fundit e artistes kosovare ishte “5AM” një bashkëpunim me reperin Buta. Por, duket se në rrjet kanë shpërthyer akuzat se kjo këngë është e vjedhur.
Një video është publikuar ku shfaqet kënga e këngëtares ruse, Alizade, që ngjason me muzikën e këngës më të re të Erës. Kaq ka mjaftuar që të vërshojnë kritikat se Era ka vjedhur dhe mbi të gjitha nga një artiste ruse.
