Gjatë natës së fundit Prime të Big Brother VIP Kosova, “Vëllai i Madh” ka paralajmëruar për një dënim mbi grupin e banorëve që kanë folur rreth nominimeve.
Një dënim i tillë është shqiptuar sot, ndërsa pesë prej kastit të banorëve janë izoluar në dhomën e sekreteve.
“Xhoni, Shota, Getinjo, Artani dhe Stresi. Ju jeni të dënuar sepse keni shkelur rregullat duke biseduar për nominime. Si pasojë, dhoma e sekreteve është e shndërruar në dhomë të dënimeve, ku ju do të qëndroni deri në një njoftim të radhës”, u tha në njoftimin e “Vëllait të Madh”.
“Ju nuk keni të drejtë të dilni, sa i përket ushqimit ju duhet të koordinoheni me pjesën tjetër të banorëve, përmes portës që do të shërbejë si hapësirë e kontaktit me anën tjetër të shtëpisë”, u tha tutje.
