Edicioni i 95-të i “Oscars” është mbajtur të dielën mbrëma (12 mars) në Teatrin Dolby në Hollywood.
Në ceremoninë vjetore të ndarjes së çmimeve si ‘aktorja më e mirë’ u zgjodh Michelle Yeoh, gjersa Brendan Fraser u shpall ‘aktori më i mirë’.
Sa i përket filmave, “Everything Everywhere All at Once” fitoi gjithsej shtatë çmime edhe atë për ‘filmin më të mirë’.
Përveç disa prej yjeve të famshëm, e pranishme në edicionin e sivjetmë ka qenë edhe ylli i muzikës pop, Rihanna.
35-vjeçarja performoi hitin “Lift me up” si kolonë zanore të “Black Panther: Wakanda Forever”.
Ylli nga Barbados dhuroi një performancë spektakolare duke i dhënë momente shumë emocionuese skenës e publikut.
Ajo bëri rikthimin në skenë pas një kohe të gjatë në “Super Bowl”, teksa performoi në pjesën e parë të këtij shou.
E njëjta mes tjerash njoftoi se është në pritje të fëmijës së dytë me reperin ASAP Rocky.
