Celine Dion, ka publikuar albumin e saj të fundit 4 vite më parë, dhe tani, 4 muaj pas diagnostikimit të sëmundjes së saj të rrallë, këngetarja do të publikojë një këngë të re.
Kënga, Love Again është për filmin me të njëjtin emër, në të cilin këngëtarja, ka rolin e saj, duke luajtur së bashku me Sam Heughan dhe Priyanka Chopra.
'NEW TRACK ALERT!' ka shkruar ajo në Instagram të enjten.
Më 5 maj, filmi del në kinema dhe më 12 maj, albumi i plotë, me 5 këngë të reja të Celine, do të jetë i disponueshëm!
Dion luan veten në këtë film.
“U kënaqa shumë duke bërë këtë film”, tha Dion në një deklaratë për shtyp. "Dhe të kem privilegjin të shfaqem me aktorët e bukur dhe të talentuar Priyanka Chopra Jonas dhe Sam Heughan në filmin tim të parë artistik është një dhuratë që do ta ruaj përgjithmonë."
"Mendoj se është një histori e mrekullueshme për t'u ndjerë mirë, dhe shpresoj që njerëzit do ta pëlqejnë atë dhe gjithashtu do t'i pëlqejnë këngët e reja."
Në dhjetor, këngëtarja e "Bese You Loved Me" zbuloi se ajo ishte diagnostikuar me çrregullimin e rrallë neurologjik të quajtur sindroma e personit të ngurtë.
Gjendja, e cila prek një në një milion njerëz dhe bën që muskujt të tensionohen në mënyrë të pakontrolluar, përfundimisht i lë të sëmurët si 'statuja njerëzore' pasi gradualisht e mbyll trupin në pozicione të ngurta, duke i lënë të prekurit të paaftë të ecin ose të flasin.
Ndërsa nuk ka kurë për SPS, ka trajtime që ngadalësojnë përparimin dhe Celine zbuloi se po bën gjithçka që mundet për të minimizuar simptomat.
