Meghan Markle dhe Prince Harry mbeten një nga çiftet më kontradiktorë, historia e të cilëve është komentuar shumë në media.
Së fundmi, po qarkullon një lajm se dyshja është duke kaluar një situatë të vështirë dhe mund të shkojnë drejt ndarjes.
Lidhur me këtë situatë, është shprehur dhe vetë motra e Meghan, Samantha Markle.
Pavarësisht se nuk ka asnjë lidhje me Dukeshën që nga viti 2014, Samantha pretendoi se kishte parë shenja që Meghan dhe Harry nuk i kanë punët mirë.
Samantha ngriti shqetësimet e saj pasi u shfaq një video e çiftit në një ndeshje NBA ku ata u kapën duke u puthur. Meghan duket se e refuzoi puthjen e Harry-t, për të cilën Samantha tha:
“Më parë, në të gjitha fotografitë ajo ishte e fiksuar me të, duke i vendosur duart mbi të, duke i kapur duart. A është ky një simbol i ndarjes?”- u shpreh ajo, duke sugjeruar se ndërhyrja e këshillimit do të ishte një opsion për të ndihmuar çiftin.
Ndërkohë, çifti nuk i ka komentuar thashethemet dhe nuk dihet ende nëse ka ndonjë problem mes tyre.
