Familja Stallone do të rikthehet për një sezon të dytë në Paramount+.
Ky shërbim videosh njoftoi në një deklaratë për shtyp se rinovoi serinë e emisionit reality për Sezonin 2.
The Family Stallone përfshin aktorin Sylvester Stallone, gruan e tij, Jennifer Flavin Stallone dhe tre vajzat e tyre, Sophia, Sistine dhe Scarlet.
“Pasi luajti disa prej personazheve më legjendare në historinë e kinematografisë, i nominuari tre herë për çmimin Oscar, Sylvester Stallone, është gati t’u japë kamerave qasje në atë që ai do ta konsideronte si rolin më të madh të jetës së tij: rolin e babait”, thuhet në një deklaratë zyrtare.
Sezoni 1 u shfaq premierë më 17 maj. Shfaqja theu rekorde pas publikimit, duke u bërë premiera numër një e serive origjinale të reality-t në Paramount+.
Stallone dhe gruaja e tij u martuan në maj të vitit 1997.
