Ajo kurrë nuk heziton që të tregojë figurën e saj të pabesueshme të trupit.
Dhe Dua Lipa sigurisht që i ngacmoi ndjekësit e saj në rrjetet sociale, teksa pozoi me bikini të zeza me printime nga koleksioni i saj “Versace”.
Këngëtarja 27 vjeçe, mahniti fansat ndërsa pozoi me bikinit me pikatë bardha dhe flutura shumëngjyrëshe, teksa mbështetej pas një muri, shkruan DailyMail.
Duke zbuluar se bikinit ishin nga koleksioni i saj, Dua shkroi në mbishkrimin e postimit: “Veshja ime verore deri në njoftimin e dytë”.
Këto bikini janë pjesë e bashkëpunimit të saj më të fundit me markën “Versace”, ku Dua është bashkë-dizenjatore dhe titullohet “La Vacanza”.
Kjo paraqitje atraktive e saj vjen vetëm pak kohë pasi interpretuesja e hitit “Love Again” u shfaq e veshur një fustan të markës “Versace” me pika, të stolisur me një print shumëngjyrësh fluturash.
Duke mbyllur sytë në pritje të pijes freskuese që do të pinte, ajo u tha 88.3 milionë ndjekësve të saj: “Sinqerisht, jam gati për një ‘vacanza’”.
Këngëtarja pranoi se ishte në një humor pushimesh, pas fitores së saj të fundit në gjyq kundër një grupi të zhanrit ‘reggae’ në Florida, i cili e kishte akuzuar atë për plagjiaturë.
Hiti i saj i madh “Levitating” u tha se ishte shumë i ngjashëm me hitin e vitit 2017 të grupit Artikal Sound System, “Live Your Life” – por Warner Records bindi një gjykatë në Los Angeles që ta pushonte çështjen.
Pretendimi për të drejtën e autorit u konsiderua i papërshtatshëm pasi grupi nuk tregoi se Dua mund të kishte akses në melodinë e tyre, pasi vetëm ‘disa’ qindra CD të saj u shitën.
Grupi gjithashtu e kishte interpretuar këngën në koncerte dhe e kishte shpërndarë përmes shërbimeve të transmetimit të muzikës, dhe më pas ata pretenduan se tani po shqyrtojnë opsionet e tyre.
Koleksioni i ri i Duas pati debutimin e tij gjatë një sfilate të modës së markës “Versace” gjatë Festivalit të Filmit në Kanë.
Pak para se të fillonte spektakli i mbushur me yje, Dua foli për koleksionin gjatë një konference për shtyp.
“Ne donim të bënim garderobën e festave dhe diçka që do ta veshja gjatë gjithë verës, por edhe diçka që njerëzit e tjerë do ta donin dhe do ta shijonin”, tha interpretuesja e hitit “One Kiss”, duke shtuar se ajo filloi të vizatonte skica për Donatella Versacen vjeshtën e kaluar.
Më pas ajo filloi të punojë së bashku me drejtoreshën e njohur kreative të markës italiane. “Ne kishim një gjuhë kaq të përbashkët, thjesht nuk mund t’i largonim idetë nga njëra-tjetra”.
