Amber Heard mbetet e fokusuar ndaj artit.
Një vit pas përfundimit të gjyqit të bujshëm ndaj ish-bashkëshortit Johnny Depp, gjë që e bëri atë të tërhiqej nga qendra e vëmendjes për një kohë të shkurtër, aktorja u rishfaq në mbështetje të filmit të saj të ardhshëm, ‘In the Fire’, dhe ndau se si ajo nuk donte që kjo ngjarje të përcaktonte karrierën e saj.
“Unë thjesht dua të bëj filma dhe të vlerësohem, si aktore," tha ajo për Deadline në një intervistë të botuar më 26 qershor. "Nuk dua të më duhet të kryqëzohem për t'u vlerësuar si një e tillë. Unë kam në kontroll pjesën më të madhe të asaj që del nga goja ime. Ajo që nuk e kontrolloj është se si krenaria ime në këtë projekt dhe gjithçka që kemi vënë në këtë film mund të rrethohet nga klipe të gjërave të tjera. Kjo është një gjë e madhe që duhet të mësoj, se nuk kam kontrollin e historive të tjera që njerëzit krijojnë rreth meje. Kjo është diçka që ndoshta do ta vlerësoj si një bekim më tej.
Nuk po ju them se kam një karrierë të mrekullueshme filmike, por ajo që kam është diçka që e kam bërë vetë, dhe më ka dhënë shumë për të qenë në gjendje të kontribuoj”, tha Heard.
Në fakt, Heard u rikthye në tapetin e kuq më 23 qershor për premierën e filmit ‘In the Fire’ në ‘Festivalin e Filmit në Taormina’.
Dalja e fundit e Heard vjen pas betejave ligjore shumëvjeçare me Depp, të cilat filluan në vitin 2020 në Mbretërinë e Bashkuar. Në atë kohë, Depp e humbi çështjen dhe apeli i tij u refuzua.
Në prill të vitit 2022, Depp e paditi Heard-in për një shkrim të vitit 2018 që ajo shkroi për ‘Washington Post’, në të cilin, pa e përmendur ish-in e saj, ylli i Aquaman e quajti veten një "figurë publike që përfaqëson abuzimin në familje". Padia shkoi në gjyq në Virxhinia, ku Heard u shpall fajtore për shpifje për shkrimin e saj.
