Rojet e sigurisë së Princit Harry dhe Meghan Markle janë akuzuar se kanë larguar në mënyrë të vrazhdë një fqinj të moshuar pasi ata u vendosën në rezidencën e tyre në Montecito, Kaliforni, në vitin 2020.
Frank McGinity, një veteran 88-vjeçar i marinës amerikane, i cili jeton afër Dukës dhe Dukeshës së Sussex-it, pohoi se ai iu afrua shtëpisë së tyre menjëherë pasi ata u vendosën, për t’u dhuruar disa filma që ai ka bërë për historinë e zonës.
Ai e kujtoi ngjarjen në një kapitull të kujtimeve të tij, “Get Off Your Street”.
Unë kam një shtëpi të madhe pranë pronës së Harry-t dhe Meghan-it,” tha ai, sipas Montecito Journal përmes Independent.
“Harry dhe Meghan jetojnë në pronën e vjetër të McCormick dhe unë shkova te porta e tyre me filmat në një CD, por ata nuk ishin të interesuar. Djali i sigurisë më largoi dhe nuk donte ta merrte filmin, thjesht duke thënë ‘ata nuk janë të interesuar’. Unë po përpiqesha të prezantohesha si fqinj. Ne nuk i shohim shumë këtu përreth. Është e habitshme që ata erdhën këtu. Banorët këtu janë zakonisht më të moshuar. Është vendi ku elefantët vijnë për të vdekur”.
Pasi u larguan nga mbretëria, Harry dhe Meghan zgjodhën shtëpinë në Montecito për shkak të komunitetit të qetë dhe privatësisë së konsiderueshme.
