Johnny Depp mbërriti në Boston të premten duke përdorur ndihmën e një bastuni përpara koncertit të tij – i cili fillimisht u shty për shkak të dëmtimit të kyçit të këmbës së aktorit.
Ylli i "Pirates of the Caribbean", 60 vjeç, dukej i buzëqeshur, pavarësisht përdorimit të bastunit përpara shfaqjes së tij të së premtes mbrëma me grupin e tij, The Hollywood Vampires.
Grupi i Depp-it u detyrua të shtynte tre nga datat e turneut të tyre në SHBA më 29 maj, kur aktori i "Blow" pësoi një lëndim.
"Jemi të trishtuar të ndajmë lajmin që Hollywood Vampires do të riplanifikojnë tre datat e turneut në SHBA këtë javë", shkruante grupi - i përbërë gjithashtu nga Alice Cooper, Joe Perry dhe Tommy Henriksen, në atë kohë në mediat sociale. “Johnny ka pësuar një dëmtim në kyçin e këmbës pas paraqitjeve të tij të fundit dhe është këshilluar nga mjeku i tij që të mos udhëtojë.”
